24 C
id

PIDATO MINTAK SIPAEK / IZIN


Oleh:  Oleh: Edi Ramadhan Dt. Sompono Basa


1. Angku……………...………(urang-1)
2. Iyo ambo-----------------------(urang-2)
3. Ka …….…sambah ditiboan (urang-1)
4. Manitahlah---------------------(urang-2)
Dari urang–1 ka urang–2
Sungguah pun ka……, sambah ambo tiboan, taga dek luruih batujuan, rundiang nan tibo bakeh……, sambah tatabua kanan rapek, salam kapado nan basamo, kahadapan silang nan bapangka, jumalah karajo nan bajunjuang, salam di sinan di tiboan. Adopun salam nan ka ambo tiboan, mahadok kapado……, pado wakatu iko kini, panek lah raso baparantian, palak lah baparanginan, rokok sabatang lah di isok. Lah tarang cahayo adaek, lah tampak bangun pusako, nak jan lamo batang tasanda, jan lamo baban talatak, nak jan siang bahabih hari, jan malam bahabih minyak, lah buliah ko karajo kito ansua, nak babari dek …… pituanyo, pulang ma’alum pado angku.
5. Lah sampai di angku……….(urang-2)
6. Di bilang alah------------------(urang-1)
7. Bakeh angku…………..lai (urang-2)
8. Manitahlah---------------------(urang-1)
Jawab urang –2 ka urang–1
Pihak di sambah nan mandatang, nan talimpah di muko rapek, ujuik nyo bakeh nan basamo, lahia nyo ka ambo surang, di danga lah baiak bunyi, di pandang lah rancak rupo, kurang tak ado kapanukuak, senteang tak ado ka pambilai, tapi samantang pun baitu. Di ateh duduak sa amparan, di tagak nan sa pamatang, lamak siriah lega carano, lamak kato di lega bunyi, samantaro ambo baiyo, mancari kato nan sa ukua, rundiang jo…… di latak an, kato di simpan dalam barih, pulang ma’alum pado……
9. Lah sampai di angku……….(urang-1)
10. Sakiro alah---------------------(urang-2)
11. Bakeh …………..….. lai (urang-1)
12. Manitah lah--------------------(urang-2)
Jawab urang –1 Ka urang –2.
Daulu kato basitina Kamudian rundiang basicapek Basicapek ambo jo ….. Di bunyi nan ambo danga Di rupo nan ambo pandang Di ateh duduak sa amparan Tagak nan sa pamatang Sa pihak ka diri …… Nak ma ambiak duduak baiyo Tagak bakato jo bamolah Sipaek mananti malah ambo Bana baitu kato ……
13. ------------iyo bana-------------(urang-2)
Sapanjang buah kabanaran …….. Rundiang sabuah ambo pacik Kato sapatah ambo ganggam Silang tak ado ka pa ampang Patuik tak ado ka pa ungkai Insya Allah ambo nanti.
Jawab urang ka – 2
Kandak buliah pintak balaku Insya Allah ambo laluan.

Setelah dicari kata mufakat dengan sesama silang nan bapangka yang lain, biasanya pasambahan baiyo mencari kata mufakat ini bagi silang nan bapangka tidak ada yang terlalu panjang atau dipulangan ke banyak orang sesama si pangka maka setelah itu persambahan dikembalikan pada orang pertama atau dikembalikan kepada asalnya yaitu dari mana pasambahan itu datangnya tadi dalam hal ini tentu kepada si alek sebab dari sana datang pakolahan itu tadi.
14. Angku…………….……….(urang –2)
15. Iyo ambo----------------------(urang –1)
16. Ka…..…sabah dikumbalian (urang-2)
17. Manitah lah-------------------(urang –1)
Kato di kumbalian ka urang – 1.
Tantangan sambah titahnyo Ketek nan di amba gadang Randah nan di anjuang tinggi Dek alah kato mupakaek Ma’af di mintak Jo bana …... ambo jalang. Aratinyo bana nan ka ambo tiboan Taradok ka diri…… Pihak parundiangan kito tadi Antaro ambo jo…… Panek bakeh baranti Patang bakeh bamalam Tarago ambo duduak baiyo Tagak bakato jo bamolah. Jikok di ambo lah tadi tu Duduak kato ba paiyoan Tagak kato ba pamolahan Di dalam nantun, Lah dapek bulek nan sagoloang Pipiah nan salicak Di kabanaran……… tadi Jan siang bahabih hari Nak jan malam bahabih minyak Jan lamo batang tasanda Nak jan lamo baban talatak Lah buliah ko karajo kito ansua Bana baitu kato angku.
18. ------------iyo bana----------- (urang-1)
Di kabanaran …….……nan katangah Lah dalam barih jo balabeh Dilingkuang adaek jo pusako Elok kacak gamak lah sadang Bananyo di bao lalu. Lalunyo do kaji nan sado itu Balaia nak sampai ka pulau Kutiko angin sadang rancak Lah elok bana di ansua bakarajo Pulang ma’alum pado angku.
19. Lah sampai di ………….….(urang-2)
20. Sakiro alah---------------------(urang-1)
21. Bakeh …………..……lai (urang-2)
22. Manitah lah--------------------(urang-1)
Jawab urang ka – 2 ka urang ka – 1.
Daulu kato basitina Kamudian rundiang basicapek Basicapek ambo jo…… Di bunyi nan ambo danga Di rupo nan ambo pandang Di hadapan baliau nan basamo Kandak buliah pintak balaku Iyo alah manyanang dalam hati Insya Allah Ba amakan sajo lai……
Jawab urang ka – 1.
Karena sudah diterima permintaan dari tamu yang datang, dalam hal ini tentu si alek atau orang yang datang kerumah kita untuk menyampaikan sesuatu maksud seperti yang kita contohkan menjemput marapulai, maka permintaan dari orang datang tersebut akan disambut baik oleh tuan rumah. Pasambahan ini gunanya tidak sajo untuk meminta keredaan ketika menjemput marapulai, tapi juga biasa kita pergunakan pada saat yang berbeda dengan kondisi yang berbeda pula.
23. Ma angku………………..……(pangka)
24. Iyo ambo………………....………(alek)
25. Ka………..juo sambah ditiboan(pangka)
26. Manitahlah………………………..(alek)
Sambah jo titahnyo Nan tadi sajo di sadangan Kok di nan tadi kalam alah bapatah Karateh alah baguluang Alah samo sanang dalam hati. Ba a nan kini nangko Sadang tananang bana datang Paham tibo aka baranti Kabanaran juo batiboan bakeh…… Nan jadi bana di ambo Mahadok kapado…….. Dek karano janang kamatiang Kaki ka talangkah Tangan ka tajambo Alam nan basipaek gawa Manusia basipaek kilaf Nak babari suko jo rila Pulang ma’alum pado angku.
27. Lah sampai di………………(urang-2)
28. Dibilang alah-------------------(urang-1)
29. Bakeh ……………...…Lai (urang-2)
30. Manitah lah………..……….(urang-1)
Jawab urang ka – 2 ka urang ka – 1 .
Daulu kato basitina Kamudian rundiang basicapek Basicapek ambo jo…… Di kabanaran…….…….nan katangah Indak di ulang pilin ditikam jajak Diulang pilin kok cupua Ditikam jajak kok galia Lalunyo di kaji nan sado itu. Rancak gandang dek batingkah Elok talempoang dek batalun Di ambiak ukua jo jangko Rundiang di simpan dalam barih Samantaro ambo ba ukuaRundiang jo ……dilatak an Pulang ma’alum pado ………
31. Lah sampai di…………...….(urang-1)
32. Dibilang alah-------------------(urang-2)
33. Bakeh …………...…….Lai (urang-1)
34. Manitah lah --------------------(urang-2)
Jawab urang ka – 1 Ka urang ka – 2.
Daulu kato basitina Kamudian rundiang basicapek Basicapek ambo jo…………… Di bunyi nan ambo danga Di rupo nan ambo pandang Di hadapan baliau nan basamo Ba elah kato jo mupakaek Mancari rundiang nan sa ukua Sipaek mananti malah ambo Bana baitu kato……
35. ------------iyo bana------------ (urang-2)
Di kabanarang………nan katangah Alah suri taladan kain Cupak panuah pusako tatap Insya Allah ambo nanti.
Jawab urang ka –2
Kandak buliah pintak balaku Insya Allah ambo laluan
Setelah di cari kata mufakat dengan orang lain walaupun sampai ke banyak orang ini semakin bagus, karena yang raja itu menurut adat minang adalah kata mufakat dan yang benar itu adalah kata seiya, baru kemudian kata di kembalikan lagi pada orang pertama.
36. Angku………………………(urang-2)
37. Iyo ambo……………...……(urang-1)
38. Ka.…..sambah di kumbalian (urang-2)
39. Manitah lah …..……………(urang-1)
Kato di kumbalian
Dari urang – 2 ka urang ka – 1.
Di balah batuang di balah Sumbiang baliuang tigo jari Di anjuang salam jo sambah Barang nan gawa di ampuni Ma’af ambo mintak Jo bana …… ambo jalang. Aratinyo bana nan ka ambo tiboan Mahadok kapado …… Pihak parundiangan kito tadi Nan talatak nan tasimpan Talatak didalam barih Tasimpan dalam mufakaek Tarago ambo mancari bana nan sa ukua Sarato nan sapatah ijab Di dalam nantun Lah bulek aia ka pambuluah Lah bulek rundiang ka mafakaek Di kandak…… tadi. Dek karano janang ka katangah Alam nan basipaek gawa Manusia nan basipaek kilaf Nak babari suko jo rila Bana baitu kato ……
40. ------------iyo bana-------------- (urang-1)
Di kabanaran …… nan katangah Lah mambayang kanduangan buek Jaleh talago balatak an Batang lah tampak tasanda nyo Nan jadi buah bari dek baliu basamo Jo insya Allah Baliau nan basamo mamabari ma’af. Alah ka sanang hati ……
Jawab urang ka –1
Nan ambo tuntuik nyato Nan ambo kambang leba Kabukik nan ambo gamangan Ka lurah nan ambo camehan Kahadapan …… nan basamo Iyolah kato nan sado itu Ba a nan kini nangko Dek …… urang pamurah Kandak capek babari Pintak lakeh bapalakuan Insya Allah …… Kami tagak an janang lai
Jawab si alek
41. Palalulah ……

Janang yang di suruh oleh silang nan bapangka manatiang adalah orang yang sudah kawin, kalau dia tidak bisa mungkin juga sudah tua, maka dia bisa menyuruh anaknya menggantikan dia sabagai janang tentu saja yang sudah berumah tangga juga tetap dibari perlengkapan dengan kain sarung serta topi biasanya untuk beberapa daerah di minang kabau ini yang menghidangkan ini adalah orang semenda, dan setelah selesai janang ini menghidang tidak ada yang tertinggal suatu juapun maka dia akan memberi tahu kepada orang yang akan mempersilakan orang banyak untuk makan
Postingan Lama
Postingan Lebih Baru

Posting Komentar

- Advertisment -
- Advertisment -